U Turskoj obilježeno 30 godina postojanja Udruženja “Bosna- Sandžak”

Svečanom akademijom, u turskoj opštini Bajrampaša, obilježeno je 30 godina postojanja Udruženja “Bosna- Sandžak”. 
Skupu su, u ime opštine Rožaje i Islamske zajednice prisustvovali predsjednik i sekretar Skupštine opštine Almir Avdić, Amer Dacić i Ernad ef. Ramović.

Povodom obilježavanja godišnjice tog Udruženja, koja je okupila brojne domaće i strane zvaničnike, u Turskoj borave i ministri u Vladi Crne Gore Osman Nurković i Kemal Purišić, savjetnik predsjednika države Amer Halilović i VD direktora Fonda za ostvarivanje i zaštitu manjinskih prava Elmir Kurtagić.

Narednih dana, delegacija iz Crne Gore imaće nekoliko sastanka sa zvaničnicima Opštine Bajrampaša kako bi utvrdili modele buduće, kako su rekli, intenzivne saradnje.

Udruženje  “Bosna- Sandžak” već tri decenije uspješno radi na očuvanju i promociji nacionalnog identiteta i tradicije Bošnjaka u Turskoj gradeći  istovremeno mostove saradnje sa sličnim organizacijama i udruženjima iz Crne Gore, Bosne i drugih zemalja regiona. 

Objave iz povezanih i sličnih kategorija...